Kataloniyaning “Barselona” klubi yarim himoyachisi Serxio Buskets joriy mavsum yakunida jamoani tark etadi. Bu haqda 10 may kuni klub matbuot xizmati xabar berdi.

Ispaniyalik tajribali yarim himoyachining transferiga to'rtta klub qiziqish bildirmoqda. "Inter Mayami", "An-Nasr", "Ash-Shabab" va "Al-Hilol" klublari Busketsga shartnoma taklif qilishga tayyor.

Serxio "Barselona" akademiyasini tamomlagan. Yarim himoyachi 2008 yildan beri asosiy jamoada o'ynab kelmoqda. Uning "ko'k-anorranglilar" bilan shartnomasi keyingi oy oxirida tugaydi.

Buskets joriy mavsumda La Ligada 27 ta o'yin o'tkazib, 4 ta gol urdi. Shuningdek, yarim himoyachi beshta sariq va bitta qizil kartochka oldi.