"Bavariya" yarim himoyachisi Joshua Kimmix "Barselona"ning transfer maqsadiga aylandi.

Kataloniya klubi jamoadan ketayotgan Serxio Busketsning o'rnini bosa oladigan futbolchi qidirmoqda.

Jurnalist Ferran Martinesning so'zlariga ko'ra, Kimmix bu pozitsiyasiga yangi nomzod bo'ldi. 28 yoshli yarim himoyachi "Bavariya"dan ketish haqida o'ylamoqda va Xavi Ernandes "Barselona"da qurayotgan loyiha Kimmixga yoqmoqda. "Ko'k-anorranglilar" ustozi nemis futbolchisining qobiliyatini yuqori baholaydi.

Joshua Kimmixning "Bavariya" bilan shartnomasi 2025 yilgacha mo'ljallangan va uning narxi 80 million evroga baholangan.