"Vulverxempton" yarim himoyachisi Ruben Nevesh "Barselona"ga o'tadi. Ispaniya klubi "bo'rilar" yarim himoyachisining transferini yaqin kunlarda 30 million evro evaziga amalga oshiradi. Bu haqda AS xabar bermoqda.

Manbaga ko'ra, "ko'k-anorranglilar" 26 yoshli Portugaliya terma jamoasi futbolchisining transferi bo'yicha kelishuvga yaqin turibdi va ushbu transferni joriy mavsum yakuniga qadar rasmiylashtiradi. Nevesh "Vulverxempton"ning so'nggi uy uchrashuvidan so'ng muxlislar bilan xayrlashdi.

Nevesh 2017 yilda "Portu"dan "bo'rilar"ga o'tgandi. Portugaliya termasida yarim himoyachi tarixdagi eng yosh sardor bo'lgan. Nevesh o'tgan mavsumda 40 ta o'yinda 6 ta gol urdi va golli uzatma berdi.