Joriy mavsum so'ngida «Barselona»ni tark etishga qaror qilgan Serxio Buskets faoliyatini qaerda davom ettirishi mumkinligi haqidagi savolga javob berdi. «Men 3 yoki 4 ta variantni ko'rib chiqyapman. Ularning barchasi Evropadan tashqarida. Shu bois, kelajakda "Barselona"ga qarshi o'yinlarda ishtirok etmasam kerak. "Barsa"da mening o'rnimni kim to'ldirishi mumkin? Men tayanch yarim himoyachisi sifatida Rodrini afzal bilardim. Ammo bu transferni amalga oshirishi qiyin bo'ladi, deb aytishdi. Kimmix yoki Cubimendi? Subi ko'proq bizning uslubimizga mos keladi, deb o'ylayman. Ammo jamoani o'zida Niko [Gonsales] varianti ham bor", – dedi Buskets.