Darvozabon Inyaki Penya, himoyachilar Ronald Arauxo va Markos Alonso hamda yarim himoyachi Serxi Roberto yangi shartnomalar ro'yxatdan o'tmagani uchun La Liga saytida "Barselona" tarkibidan chiqarildi.

La Liga rahbariyati klubdagi moliyaviy muammolar tufayli futbolchilarning yangi kelishuvlarini qabul qilmadi. "Barselona"ning rejasi tasdiqlanishi bilanoq, o'yinchilarning shartnomalari tashkilot saytida paydo bo'ladi. Hozir to'rt nafar futbolchi ham Ispaniya chempionati o'yinlarida "ko'k-anorranglilar" safida o'ynash huquqiga ega emas.

“Barselona” o'tgan mavsumda Ispaniya chempioni bo'ldi va 2019 yildan buyon ilk bor kubokni qo'lga kiritdi. Biroq klubda jiddiy moliyaviy muammolar davom etmoqda.