“An-Nasr” bosh direktori Ahmad Alhamdi hozirda Barselonada. Jurnalist Anxel Peresning fikricha, xo'jayinning tashrifi "Barselona" yarim himoyachisi Frank Kessiening ehtimoliy transferi bilan bog'liq bo'lishi mumkin.

Eslatib o'tamiz, avvalroq ivuarlik yaqinda "An-Nasr"ning transfer nishoniga aylangani haqida xabar berilgandi. Kessiening o'zi Saudiya Arabistoni klubi uning moliyaviy ehtiyojlarini qondira olsa, o'tishga tayyorligini allaqachon aytib o'tgan.

"Barselona" Kessieni sotishdan tushgan mablag'ni boshqa yangi kelganlar uchun ishlatishga tayyor. Frank "Milan"dan erkin agent sifatida ko'chib o'tgandan so'ng jamoada bor yo'g'i bir mavsum o'tkazdi.