Jerar Pike Lionel Messining "Inter Mayami"ga o'tish qaroriga izoh berdi.

"Men boshidanoq u "Inter Mayami"ga o'tadi deb o'ylagandim. Ammo unga astronomik summalarni taklif qilishdi va menimcha, unda "Barselona"ga qaytish varianti ham bor edi.

Lekin menimcha, eng tabiiy variant AQSh bozorini ochish edi. Mayamida ispaniyaliklar juda ko'p, unga moslashish oson bo'ladi, u erda hayot yaxshi va bu MLS rivojlanishiga yordam beradi.

Unga "Barsa"ga qaytish qiyin bo'lganga o'xshadi. Klubning barcha raqamlarini bilmayman, lekin matbuotning yozishiga qaraganda, bu juda qiyin transfer bo'ldi va amalga oshmadi. Buni amalga oshirish mumkinmi yoki yo'qmi, menda hech qanday ma'lumot yo'q”, - dedi “Barselona”ning sobiq himoyachisi.