"Barselona"ning sobiq himoyachisi, hozirda erkin agent maqomida turgan Jordi Alba bugun “Inter Mayami” futbolchisiga aylanadi.

Bu haqda Miami Herald nashri xabar bermoqda. Tomonlar shartnoma bo'yicha kelishib olishgan.

Florida shtatidagi jamoada Alba sobiq jamoadoshlari Lionel Messi va Serxio Buskets bilan birlashadi. Hujumchi va yarim himoyachi o'tgan oy "Inter Mayami"ga ko'chib o'tgandi.

O'tgan mavsumda Jordi barcha turnirlarda "ko'k-anorranglilar" safida 24 ta uchrashuvda ishtirok etgan. Himoyachi ikkita gol urdi va uchta golli uzatmani amalga oshirdi. Jamoa bilan birgalikda u La Liga chempioniga aylandi.