"Barselona" bir yildan beri "Bornmut"da o'ynayotgan braziliyalik darvozabon Neto uchun "Valensiya"ga 4 mln evro to'lashi kerak. Bu haqda Cadena Ser nashri xabar bermoqda.

"Barselona" braziliyalik darvozabon ketganidan keyin "Valensiya"ga 6 million evro to'lashi kerak edi. Bu 2022 yilning yozida sodir bo'ldi, ammo "ko'rshapalaklar" bu pulni olmagan. Klub sudga murojaat qilmoqchi edi, biroq tomonlar "Barselona" 4 million evro to'lashiga kelishib oldilar.

Kataloniya klubida uch mavsum davomida Neto 21 ta o'yin o'tkazib, 20 ta gol o'tkazib yuborgan. U "Barselona" va "Valensiya"dan tashqari Italiyaning "Fiorentina" va "Yuventus", shuningdek, Braziliyaning "Atletiko Paranaense" klublarida ham o'ynagan.