"Fiorentina" yarim himoyachisi Sofyan Amrabat jamoani tark etmoqchi, deb xabar beradi La Gazzetta dello Sport.

Manba bergan xabarga ko'ra, 26 yoshli marokashlik "binafsharanglar" rahbariyatiga jamoani tark etish istagi borligini aytgan. "Fiorentina" yarim himoyachini 35 million evro evaziga qo'yib yuborishga tayyor.

Amrabatning o'zi Chempionlar ligasida o'ynaydigan klublardan biriga o'tishni kutmoqda. Unga "Atletiko", "Barselona" va "Manchester Yunayted" klublari qiziqish bildirgan.

Amrabat “Fiorentina” safida 2020 yildan buyon to'p tepadi. 2022/23 yilgi mavsumda u florentsiyaliklar safida barcha musobaqalarda 49 ta o'yinda maydonga tushib, bitta golli uzatmani amalga oshirgan.