"Malorka"ga tegishli bo'lgan 26 yoshli himoyachi Pablo Maffeo Ispaniyaning nufuzli klubiga o'tishi mumkin. Bu haqda TV3 jurnalistlari xabar bermoqda.

Manbaga ma'lum bo'lishicha, futbolchini "Sevilya" o'z safiga qo'shib olmoqchi. Avvalroq, futbolchiga "Barselona"dan ham qiziqish borligi haqida xabar berilgandi.

O'tgan mavsumda Pablo Ispaniya chempionatida 35 ta o'yin o'tkazdi. Himoyachi hisobida ikkita gol va uchta golli uzatma bor.

Maffeoning "Malorka" bilan shartnomasi 2026 yilning o'rtalariga qadar tuzilgan. Himoyachining transfer narxi sakkiz million evroga baholanmoqda.