"Inter Mayami" Lionel Messi va Serxio Busketsni yangi kelganlar sifatida tanishtirdi. Yaqin kelajakda jamoaga "Barselona"ning yana bir sobiq futbolchisi, himoyachi Jordi Alba qo'shiladi. Bu haqda Mayami klubining hammuallifi Xorxe Mas ma'lum qildi.

"Alba o'z hujjatlarini imzoladi va yaqin kunlarda keladi" - dedi Mas TyCSports bilan suhbatda.

34 yoshli Jordi Alba hozirda erkin agent hisoblanadi. Himoyachi "Barselona"da o'n bir mavsum o'ynadi. Bu vaqt ichida u 459 o'yin o'tkazib, 27 gol urgan va 99 golga assistentlik qilgan.