Bu yil yozda "Manchester Siti"dan Kataloniyaning "Barselona" klubiga o'tgan yarim himoyachi Ilkay Gyundogan bu yilgi "Oltin to'p"ga asosiy da'vogarlar nomini aytdi.

"Oltin to'p"ni Lionel Messi yoki Erling Xoland olishi kerak. Boshqa nomzodlarni ko'rmayapman. Ulardan qaysi birini tanlashni bilmayman. Ularning ikkalasi ham bu mukofotga loyiq", - dedi germaniyalik yarim himoyachi Mundo Deportivo bilan suhbatda.

Eslatib o'tamiz, Messi Argentina terma jamoasi bilan birgalikda Qatarda bo'lib o'tgan 2022 yilgi jahon chempionatida g'olib chiqqandi. Xoland o'z navbatida "Manchester Siti" bilan trebl qayd etdi.