"Barselona" ertaga yangi kelganlar bilan birga 8 nafar futbolchini ro'yxatdan o'tkazishi mumkin.

Bular Ronald Arauxo, Markos Alonso, Inyaki Penya, Serxi Roberto, Aleks Balde, Ilkay Gyundogan, Oriol Romeu va Inigo Martines.

Kataloniya klubi La Ligadan ruxsat oldi, bunda Barca Studios aktsiyalarini sotib olgan kompaniyalarning kechiktirilgan to'lovlari hisobga olingan.

"Barselona" o'tgan yozda "Barca Studios"ning 24 foiz ulushini Socios.comga 100 million evroga, yana 24 foizini Orpheus Media kompaniyasiga xuddi shu summaga sotgan edi.

Birinchi to'lovlarni "ko'k-anorranglilar" 10 million evroga oldi, qolganini kelishuvlarga ko'ra - har bir kompaniyadan 30 milliondan uchta transh oladi.

Ulardan birinchisini (umumiy summasi 60 mln.) "Barselona" iyul oyi oxirigacha olishi kerak edi, ammo natijada to'lov yil oxiriga qoldirildi, bu esa futbolchilarni ro'yxatdan o'tkazishni taqiqlashga sabab bo'ldi.