The Athletic xabariga ko'ra, «Barselona» endi himoyachi Serjino Destga umid bog'lamaydi.

Manbaga ko'ra, kataloniyaliklar 22 yoshli amerikalik futbolchini 10 million evroga sotmoqchi yoki uni ijaraga bermoqchi.

Dest «Barselona» safida 2020 yildan beri to'p tepadi. O'tgan mavsumda himoyachi «Milan»da ijara asosida o'ynadi. U Italiya klubi safida 14 ta o'yinda gol ura olmagan.

Destning «Barselona» bilan shartnomasi 2025 yilgacha mo'ljallangan. Transfermarkt portali uning narxini 10 million evroga baholamoqda.