"PSJ" hujumchi Neymarning "Barselona"ga o'tishiga rozi bo'ldi. Bu haqda Sport.es nashri xabar bermoqda.

Oldinroq parijliklar bosh murabbiyi Luis Enrike sport direktori bilan birgalikda Neymar va yana to'rt nafar futbolchiga yaqinlashib kelayotgan mavsumda ularga ishonch bildirmasligini ma'lum qilgandi.

Manbaga ko'ra, "PSJ" o'tish jarayoni amalga oshishi uchun muzokaralarda moslashuvchanlik ko'rsatishga tayyor.

Shu bilan birga, Kataloniya klubi braziliyalikni o'z safiga qo'shib olmoqchimi yoki yo'qmi hozircha noaniq.

Oldinroq Neymarni Saudiya Arabistonidagi klublardan biri sotib olib, so'ng futbolchini "Barselona"ga ijaraga berishi mumkinligi haqida xabarlar tarqalgan edi.