Kataloniyaning «Barselona»si kuz oxirida yosh iqtidori Lamin Yamalsiz ishlashga majbur bo'ladi.

Mundo Deportivo xabariga ko'ra, futbolchi Ispaniya terma jamoasi uchun 17 yoshgacha bo'lgan o'smirlar o'rtasidagi jahon chempionatiga chaqirilgan.

Turnir noyabrdan dekabrgacha bo'lib o'tadi, ya'ni Yamal «Barselona»ning Ispaniya chempionatidagi to'rtta o'yinini o'tkazib yuboradi.

Shuningdek, futbolchi Chempionlar ligasi guruh bosqichining ikkita o'yinida jamoasiga yordam bermaydi.

Eslatib o'tamiz, «Barselona» bosh murabbiyi Xavi Ernandes avvalroq Yamalni o'z tarkibida qoldirishga qaror qilgan edi. Yamin La Liganing navbatdagi turida maydonga tushishi kutilmoqda.