Mark-Andre ter Shtegen "Kadis"ga qarshi o'yindagi sariq kartochkani adolatsizlik deb hisoblaydi.

La Liganing 2-turida "Barselona" "Kadis"ni 2:0 hisobida mag'lub etdi.

Ter Shtegen o'yinning 26-daqiqasida bosh hakam Alexandro Munis bilan gaplashgani uchun jazolandi.

“Men hakamga qichqirmasdan, yugurmasdan, u bilan gaplashish uchun yaqinlashdim. Men hakam bilan hurmat bilan gaplashdim, lekin u menga sariqni ko'rsatdi - men buni tushunmayapman.

Ko'pgina kartochkalar mantiqiy emas. Har doim hakam bilan gaplashish imkoniyati bo'lishi kerak”, - dedi “Barselona” darvozaboni.