Portugaliyalik hujumchi Joau Feliks «Barselona»ga o'tishni istayotgan bo'lsa-da, uning Kataloniyaga ko'chib o'tish ehtimoli past baholanmoqda.«Ko'k-anorranglilar» ustozi Xavi jamoaga boshqa forvard kerak emas, deya hisoblamoqda. Ayni paytda "Barsa"ning hujumdagi 3ta pozitsiyasi uchun 6 nafar futbolchi bor. Ular:  Robert Levandovski, Rafinya, Ansu Fati, Ferran Torres, Lamin Yamal va Abde Ezzalzuli. Bundan tashqari, qishda klubga Vitor Roke qo'shiladi. Ushbu hujumchilardan birortasi «Barsa»ni tark etgan taqdirda "Atletiko" forvardi "Kamp Nou"ga ko'chib o'tishi mumkin. Avvalroq klubni Fati tark etishi mumkinligi haqida xabar tarqalgandi, ammo Ansu jamoada qoladigan bo'ldi.