"Barselona" himoyachisi Markos Alonso jamoasini tark etishga yaqin turibdi. Jurnalist Xavi Migelning so'zlariga ko'ra, jamoa rahbariyati futbolchini maoshi tufayli ro'yxatdan o'tkazmoqchi emas.

Manbaning aytishicha, "Barselona" bosh murabbiyi Xavi Ernandes Alonsoni yoqtiradi, biroq murabbiy ispaniyalikning ketishi klub uchun moliyaviy inqiroz sharoitida zarur chora bo'lishi mumkinligini tushunadi.

Qayd etilishicha, Alonso faoliyatini Angliya Premer-ligasida davom ettirish imkoniyatlarini allaqachon ko'rib chiqmoqda.