"Roma" Romelu Lukakuni ijaraga olmoqchi.

Rimliklar hujumchini ijaraga olishdan manfaatdor, ammo majburiy sotib olish shartisiz. Bu shartga ko'ra, "Roma" belgiyalik futbolchining maoshini to'liq to'lashga tayyor.

Ayni damda "ko'klar" Lukakuni ijaraga berish niyatida emas va 30 yoshli hujumchini, xususan, Saudiya Arabistoniga sotishni talab qilmoqda.

Agar "Chelsi" Romeluni ijaraga qo'yib yuborishga rozi bo'lsa, "Roma"ga "Barselona" va "PSJ" raqobat qilishi mumkin, deydi insayder Janluka Di Martsio.

Lukaku o'tgan mavsumda "Inter"da ijara asosida o'ynagandi. Hujumchi barcha musobaqalarda 37 ta o'yin o'tkazib, 14 ta gol urgan.