Juma kuni darvozabon Mark-Andre ter Shtegen "Barselona" bilan yangi shartnoma imzolaydi. Bu haqda insayder Fabritsio Romano ijtimoiy tarmoqlar orqali xabar tarqatdi.

Qayd etilishicha, shartnoma 2027/2028 yilgi mavsum oxirigacha mo'ljallanadi. Tomonlar yangi kelishuv shartlarini bir necha hafta oldin kelishib oldilar va hujjatlar imzolashga tayyor.

Ter Shtegen "Barselona"da 2014 yilning yozidan beri o'ynab kelmoqda. O'shandan beri nemis darvozaboni 379 ta o'yin o'tkazib, 368 ta gol o'tkazib yuborgan.

Ispaniya chempionatining navbatdagi uchrashuvini “Barselona” 27 avgust, yakshanba kuni safarda “Vilyarreal”ga qarshi o'tkazadi.