"Barselona" hujumchisi Ansu Fati faoliyatini Angliya Premer-ligasida davom ettirishi mumkin.

Insayder Fabritsio Romanoning so'zlariga ko'ra, "Tottenxem" "Barselona" bilan ehtimoliy shartnoma borasida muzokaralarni boshlagan. "Barselona" bosh murabbiyi Xavi Ernandes Fatining ketishiga yashil chiroq yoqdi, biroq u ijarada bo'lishi va futbolchi kelasi yozda qaytishi sharti bilan.

Xabar qilinishicha, "Barselona"ning sharti - Fatining maoshining 100 foizini "Tottenxem" ijara muddati davomida to'lashi kerak.

Fati "Barselona"ning eng ko'p maosh oluvchi futbolchilaridan biri bo'lib, uning maoshi yiliga kamida 10 million evroni tashkil qiladi. "Barselona" 20 yoshli futbolchi bilan 2027 yilgacha mo'ljallangan uzoq muddatli shartnoma imzoladi.