"Barselona" bosh murabbiyi Xavi La Liganing 4-turi doirasidagi "Osasuna" ustidan qozonilgan g'alaba (2:1) haqida fikr bildirdi.

"Raqib himoyada ajoyib harakat qildi. To'pni nazorat qilganimizda etarlicha vaziyatlar yarata olmadik. Lekin biz hamma uchun qiyin bo'ladigan stadionda muhim uch ochkoni qo'lga kiritdik.

Biz samaraliroq o'ynashimiz kerak. Ikkinchi bo'limda to'p bilan yaxshiroq ishlashimiz kerak edi, shu jihatni mashq qilyapmiz. Yakkama-yakka o'ynamadik, qanotlarda etarlicha vaziyatlar yarata olmadik.

G'alabadan ko'nglim to'ldi, lekin oldinga qadam tashlashim kerak. "Kadis"ga qarshi ham muammolarimiz bor edi. Misol tariqasida "Vilyarreal"ga qarshi o'yinning ikkinchi bo'limida maydon o'rtasini kesib o'tishga yo'l qo'ymadik.

12 ochkodan 10 ochko - bu yaxshi natija", — dedi Xavi Mundo Deportivo bilan suhbatda.