"Barselona" himoyachisi Joau Kanselu Ispaniya chempionati doirasidagi "Osasuna"ga qarshi safar uchrashuvida Xavi Ernandes jamoasidagi debyuti haqida fikr bildirdi. Eslatib o'tamiz, “ko'k-anorranglilar” 2:1 hisobida g'alabaga erishgan edi.

“Bu juda qiyin g'alaba bo'ldi. Jamoadoshlarim meni bu stadionda o'ynash qiyinligi haqida allaqachon ogohlantirgandi. Shunday qilib, oxir-oqibat shunday bo'ldi. Sheriklarim meni juda iliq kutib olishdi, jamoada yaxshi o'yinchilar bor. Ishonchim komilki, biz birgalikda katta yutuqlarga erisha olamiz”, - dedi Kanselu o'yindan keyin Sport nashriga bergan intervyusida.

Kanselu transfer oynasining so'nggi kunida ijara asosida "Manchester Siti"dan "Barselona"ga o'tdi.