Xavi 2023/2024 yilgi mavsum yakunlanganidan keyin "Barselona" bosh murabbiyi sifatida ishlashda davom etadi.

Ispaniyaning Sport nashri xabariga ko'ra, yosh mutaxassis bilan yangi shartnoma masalasi deyarli hal bo'lgan. Xavining yangi shartnomasi 2026 yilning iyun oyi oxirigacha mo'ljallangan.

Qayd etilishicha, “Barselona” sport direktori Deku transfer bozoridagi og'ir ishlardan so'ng bir necha kun dam olgan. Portugaliyalik mutaxassis ishga qaytsa, Xavi bilan shartnoma uzaytirilishi rasman e'lon qilinishi mumkin.

Eslatib o'tamiz, o'tgan mavsumda Xavi boshchiligida "Barselona" Ispaniya chempioniga aylangandi.