"Barselona"ning Instagram'dagi rasmiy akkaunti bugun klub afsonasi Yoxan Kroyff Joau Feliksning tasvirini tahrirlash dasturi yordamida kollaj qilib joyladi.

"Tanish ko'rinyaptimi" - post ostida shunday yozuv bor edi. Katta ehtimol bilan, muallif Kroyff va Feliksning to'p ustida bir xil o'tirganini nazarda tutgandi. Biroq “Barselona” muxlislari bu ishoralarni tushunishmadi va bunday solishtirish “Uchar golland”ni haqorat qilish ekanligini aytishdi.

Muxlislar post ostida qoldirgan eng mashhur izohlar:

— Iltimos, ijaradagi futbolchi bilan buyuk Kroyff xotirasini haqorat qilmang;

— Klubimiz uyat nima ekanligini unutgan;

— Joau Feliksni maydonda "Barselona" libosida ko'rishni yomon ko'raman, sizda bu dahshatli postni o'chirishga vaqtingiz bor;

— Kroyffga nisbatan qanday hurmatsizlik! Bunday taqqoslashni bas qiling. Bu erga Chempionlar ligasi (2010/2011) finali oldidan Messining tushgan suratini qo'ygan ma'qul;

— Shuning uchun jamoamiz o'smayapti. Sharmandalik!

Eslatib o'tamiz, Joau Feliks "Atletiko Madrid" bilan ijara shartnomasi doirasida Kataloniya klubiga 1 yilga o'tdi. Portugaliyalik futbolchi "Osasuna"ga qarshi o'yinda zaxiradan maydonga tushib, jamoadagi debyutini o'tkazishga muvaffaq bo'ldi.