"Aston Villa"ning braziliyalik yarim himoyachisi Filippe Koutino Qatarning "Al-Duhayil" klubiga o'tishga yaqin turibdi.

90min nashri ma'lum qilishicha, agar kelishuv muvaffaqiyatli amalga oshsa, "Barselona" "Aston Villa"ning foydasidan yarmini oladi. Eslatib o'tamiz, 31 yoshli futbolchi 2018 yildan 2022 yilgacha Kataloniya klubiga tegishli edi.

Angliya Premer-ligasining joriy mavsumida Koutino ikki uchrashuvda maydonga tushdi. Eslatib o'tamiz, futbolchi jami 24 daqiqa maydonda o'tkazdi va gol urmadi.

Braziliyalik futbolchining "Aston Villa" bilan shartnomasi 2026 yilgacha mo'ljallangan. Transfermarkt portali Koutinoning narxini 10 million evroga baholamoqda.