«Barselona» prezidenti maslahatchisi Enrik Masip jamoani tark etgan Usmon Dembeleni tanqid qildi.«Usmon jamoani bunday tark etganidan barchaning hafsalasi pir bo'ldi. Menga yaxshi o'yinchilar yoqadi, ammo men sadoqatni  ustun qo'yaman. Agar sizda har ikki xislat bo'lsa, bu ajoyib.Dembele shartnoma uzaytirmagan paytda etarlicha jonbozlik ko'rsatmadi. Shaxsan men 10 ballga loyiq bo'lgan, ammo ko'proq pul ishlash maqsadida ikki kundan keyin boshqa jamoaga o'tib ketadigan futbolchidan ko'ra 7-8 ballga baholangan, biroq klubga sadoqatli bo'lgan o'yinchilarni ustun qo'yaman. Gol urganingda yoki ijtimoiy tarmoqlarda vaqt o'tkazayotganingda klub ramzini o'pish oson. Ko'proq pul ishlab topishni istash ham normal holat. Ammo o'z ishiga sadoqatli kishi pulga qaramaydi, bugun boshqa, ertaga boshqacha gapirmaydi», – dedi Masip "Diario Sport" nashriga bergan intervyusida.Eslatib o'tamiz, Dembelening transferi uchun "PSJ" to'lagan 50 million evroning yarmidan biroz ko'prog'ini «Barselona» olgan bo'lsa, qolgan qismini futbolchi va uning agentlariga tegdi.