Kataloniyaning "Barselona" klubi darvozaboni Mark-Andre ter Shtegen hozirda Amerikaning "Inter Mayami" klubida o'ynayotgan argentinalik hujumchi Lionel Messining klubiga qaytishi mumkinligi haqida gapirdi.

"Agar Messi qaytsa, bu "Barselona" uchun katta kuch bo'lardi. Ehtimol, u kelajakda boshqa rolda qaytar. "Barselona" - Leoning uy klubi. Ko'p odamlar u bilan aloqada bo'lishadi. "Barselona" har doim uning hayotida katta rol o'ynaydi", - dedi darvozabon Mundo Deportivo nashriga.

Messining "Inter Mayami" bilan shartnomasi 2025 yil oxirigacha amal qiladi.