"Manchester Siti" Lamin Yamal bilan bog'lanib, uning "shaharliklar" lageriga ko'chib o'tishiga munosabatini bilib oldi, deya xabar berdi "Radio Marca". 

Biroq 16 yoshli vinger bor e'tiborini faqat "Barselona"ga qaratganini bildirdi. Kataloniya klubi "Manchester Siti"ning yosh iqtidorni qo'lga kiritishga urinishini dushmanlik belgisi sifatida baholamoqda.

Eslatib o'tamiz, Lamin Yamal hali "Barselona" uchun gol urmadi. Biroq 16 yoshli iqtidor allaqachon Ispaniya terma jamoasidagi eng yosh gol muallifi va debyutantga aylanib ulgurdi.