"Barselona" bosh murabbiyi Xavi Ernandes "Betis" bilan o'yin oldidan Ilkay Gyundogan va Ronald Arauxoning holati haqida gapirdi.

"Jarohat olgan Gyundogan "Betis"ga qarshi o'ynay oladi. Ertaga yakuniy qaror qabul qilamiz, lekin u mavjud bo'ladi. Ronald yaxshi harakat qilmoqda va shu hafta safga qaytadi”, - dedi Xavi.

Ispaniya chempionatining 5-turidan o'rin olgan “Barselona” – “Betis” uchrashuvi 16 sentyabr, shanba kuni bo'lib o'tadi. Uchrashuvning boshlanishi Toshkent vaqti bilan 23:59ga belgilangan.