Xavi "Barselona" jamoasini "Real"dan yaxshiroq deb o'ylaysizmi, degan savolga javob berdi.

Kataloniya klubi bosh murabbiyidan "Malorka"ga qarshi La Liga o'yini arafasida "Barselona" tarkibi "Real Madrid"da yig'ilgan futbolchilardan ustunmi, degan savol berildi.

"Bu savolingizga iyun oyida javob beraman. Bu masala bo'yicha turli xil fikrlar mavjud.

Kataloniyada 7 million murabbiy ishlaydi. Men solishtirishni yoqtirmayman. Ammo jamoamiz tarkibidan mamnunman", - deb javob berdi Xavi.