"Barselona" moliyaviy yil natijalarini e'lon qildi.

Kataloniya klubi matbuot xizmati xabariga ko'ra, "ko'k-anorranglilar"ning soliqlar to'langanidan keyingi sof foydasi 304 million evroni tashkil qilgan. Natija o'tgan mavsum byudjetida tasdiqlanganidan yuqori bo'ldi. 2022/23 yilgi mavsumda "Barselona" 1,165 milliard evro operatsion xarajatlar bilan 1,259 milliard evro konsolidatsiyalangan operatsion foyda oldi.

"Barselona" tijorat va ob'ektlarni boshqarish sohasida rekord natijalarga erishgani aytiladi. Klub o'z faoliyatining barcha sohalarida yaxshilanishlarni amalga oshirdi va ularning har birida kutilganidan yuqori natijalarni qayd etdi.

Tijorat darajasida klub 351 million evro daromad bilan rekord ko'rsatkichlarga erishdi (o'tgan yilga nisbatan +43%). Homiylikdan tushgan daromad deyarli 200 million evroga etdi, "Barsa" do'konlaridagi sotuvlar esa 100 million evroni tashkil etdi, bu ham mutlaq rekorddir.