"Nitstsa"ning markaziy himoyachisi Jan-Kler Todibo "Barselona"da boshdan kechirgan omadsiz davrini esladi.

Eslatib o'tamiz, o'tgan yozda frantsiyalik futbolchiga transfer bozorida talab katta edi. "Manchester Yunayted" futbolchini sotib olmoqchi edi, ammo "mankunianliklar" boshqa himoyachi Garri Maguayrdan qutulishmagani uchun kelishuvni yakunlay olishmadi.

"Barselona"da o'ynamagan paytlarim, odamlar meni omadsiz deb atashardi. Biroq, men bu muvaffaqiyatsizlikdan saboq oldim. Hozir men faoliyatimdan mamnunman, lekin hamma vaqt ham hammasi yaxshi bo'lavermaydi", - dedi Todibo Diario AS nashriga.

23 yoshli Jan-Kler joriy mavsum Frantsiya chempionatining 6 ta o'yinida samarali uzatmani amalga oshirdi.