«Inter Mayami»ning chap qanot himoyachisi Jordi Alba jarohati sabab jamoaning so'nggi o'yinlarini o'tkazib yubordi.

Ispaniyalik futbolchi MLS doirasida «Toronto»ga qarshi o'yinning 34-daqiqasida almashtirilgan va keyingi uchta uchrashuvda tarkibga kiritilmagan.

«Inter Mayami»dagi mahalliy manbalarning xabariga ko'ra, 34 yoshli Alba 18 oktyabr kuni bo'lib o'tadigan «Sharlotta»ga qarshi o'yin oldidan maydonga qaytishi mumkin.

Eslatib o'tamiz, Jordi Alba shu yilning iyul oyida AQShga ko'chib o'tgandi. Avvalroq u «Barselona»da 11 yil o'ynagan.

Ispaniyalik futbolchi «Inter Mayami» safida 11 ta o'yinda maydonga tushib, 2 ta gol va 2 ta golli uzatmaga mualliflik qilgan.