Alvaro Morata Chempionlar ligasida haftaning eng yaxshi futbolchisiga aylandi.

«Atletiko» forvardi guruh bosqichining 2-turida «Feyenoord»ga qarshi o'yinda (3:2) dubl qayd etdi.

Morata «Manchester Yunayted» hujumchisi Rasmus Xyoylund («Galatasaroy»ga qarshi dubl), «Real» yarim himoyachisi Jud Bellingem («Napoli»ga gol va golli uzatma) va «Braga» vingeri Bruma («Union»ga gol va golli uzatma)ni ortda qoldirdi.

Evropa Ligasida haftaning eng yaxshi futbolchisi Praganing «Slaviya» klubi yarim himoyachisi Moymir Xitil «Sherif» bilan o'yinda (6:0) dubl qayd etdi.

Chex futbolchisi «Roma» hujumchisi Andrea Belotti (Servettega qarshi dubl), «Vest Xem» yarim himoyachisi Lukas Paketa («Frayburg»ga gol) va «Atalanta» himoyachisi Matteo Rujerri («Sporting»ga gol) ortda qoldirdi.

Konferentsiyalar ligasida «Nordshelland» yarim himoyachisi Benjamin Nyugren «Ludogorets»ga (7:1) qarshi o'yinda urgan dubl uchun eng yaxshi deb topildi.