Braziliyalik yarim himoyachi Bruno Gimaraesning o'tgan haftada imzolangan "Nyukasl Yunayted" bilan shartnomasida "Barselona" uchun maxsus to'lov bandi mavjud. Bu haqda Sport.es nashri xabar bermoqda.

Manbaga ko'ra, Kataloniya klubi futbolchini boshqa jamoalarga qaraganda arzonroq narxda sotib olishi mumkin bo'ladi. Ispanlar uchun ehtimoliy transfer summasi 65-70 million evro atrofida bo'lishi mumkin.

Braziliyalik yarim himoyachi "Nyukasl"da o'ynagan vaqt davomida 67 ta o'yin o'tkazib, 11ta gol urgan va 8ta golga assistentlik qilgan. Transfermarkt portali futbolchining taxminiy narxi 70 million evroga baholamoqda.

Ingliz klubi 25 yoshli braziliyalik futbolchini 2022 yilning yanvarida Frantsiyaning “Lion” klubidan 42 million evro evaziga sotib olgandi. Avval futbolchi Braziliyaning “Atletiko Paranaense” klubida o'ynagan.