Ispaniya chempionatining 11-turi doirasida «Barselona» va «Real» jamoalari o'zaro to'qnash kelishdi. Xavi jarohatlar bilan bog'liq muammolarga duch kelgani uchun asosiy tarkibga bir necha yosh futbolchilarni tushirishga majbur bo'ldi. Shunga qaramay, hisobni kataloniyaliklar ochishdi. Uchrashuvning 6-daqiqasida mehmon himoyachilarning xatosidan so'ng Gyundogan darvozabon bilan yakkama-yakka vaziyatga chiqib ketdi hamda darvozani ishg'ol qildi.Umuman olganda, birinchi bo'limda pozitsion ustunlik "ko'k-anorranglilar" tomonida bo'ldi. Mezbonlar ikkinchi bo'lim boshida 2 ta juda qulay vaziyatga ega bo'lishdi. Bir vaziyatda to'p ustunga tegib qaytgan bo'lsa, ikkinchisida Kepa jamoasini goldan qutqardi. Anchelotti esa o'zgarishlarni amalga oshirib, jamoasining o'yinini jonlantirdi. Katta sahnaga esa Jud Bellingem chiqdi. U 68-daqiqada 25 metrlardan kuchli zarba bilan hisobni tenglashtirdi. O'yinga qo'shib berilgan daqiqalarda esa Bellingem g'alaba to'pini "Barsa" darvozasiga joyladi. Kroosning uzatmasidan keyin to'p rekoshet orqali darvoza oldiga etib keldi. O'sha joyga ketib kelgan Jud yaqin masofadan darvozani zabt etdi. Ushba g'alabadan keyin "Real" o'z ochkolarini 28 taa etkazib, peshqadamlikka qaytdi. "Barselona" esa 24 ochko bilan 2-pog'onada qoldi.La liga, 11-turBarselona – Real Madrid 1:2 (1:0)Gollar: 1:0 – 6 Gyundogan, 1:1 – 68 Bellingem, 1:2 – 90 Bellingem.Barselona – ter Stegen, Joau Kanselu (Yamal, 77), Martines, Kristensen, Arauxo, Balde, Gyundogan, Gavi, Lopes (Romeu, 72), Joau Feliks (Rafinya, 77), Ferran Torres (Levandovski, 61).Real Madrid – Arrisabalaga, Karvaxal, Alaba, Ryudiger, Mendi (Kamavinga, 52), Vaskes, Kroos (Modrich, 63), Valverde, Tchuameni, Bellingem, Vinisius Junior, Rodrigo (Xoselu, 63).Ogohlantirishlar: Lopes (17), Ferran Torres (45), Karvaxal (61).