Qatarga ko'chib o'tgan italiyalik yarim himoyachi Marko Verratti faoliyatidagi eng yomon o'yin deb hisoblagan o'yinni aytdi.

Ma'lum bo'lishicha, bu 2017 yilning bahorida "Barselona" bilan Chempionlar ligasi doirasidagi afsonaviy uchrashuv bo'lgan. O'shanda "PSJ" birinchi o'yinda 4:0 hisobida g'alaba qozongan bo'lsa-da, javob o'yinida barcha ustunliklarini yo'qqa chiqarishga "muvaffaq" bo'ldi va 1:6 hisobida mag'lub bo'ldi.

Italiyaning ITASportPress agentligi Verrattining so'zlaridan iqtibos keltirmoqda: "Shubhasiz, "Barselona" bilan o'yin faoliyatimdagi eng yomoni bo'ldi".

Marko Verratti frantsuz klubida o'n yil - 2013 yildan 2023 yilgacha o'ynagan.