Mark-Andre ter Shtegen sog'lig'idagi muammolar tufayli Germaniya terma jamoasini tark etadi.

“Uning belida kuchli og'riq bor. Katta ehtimol bilan u ertaga ertalab Barselonaga qaytadi, chunki hozir biz bilan qolishdan foyda yo'q. U o'ynay olmaydi, mashg'ulot o'tkaza olmaydi”, - deydi bosh murabbiy Yulian Nagelsmann.

36 yoshli mutaxassis, shuningdek, Manuel Noyer noyabr oyida terma jamoaga chaqirilmasligini ham qayd etdi.

Ter Shtegen joriy mavsumda La Ligada 13 ta o'yinda maydonga tushdi.

Germaniya terma jamoasi 18 noyabr kuni Turkiya bilan, 21 noyabr kuni Avstriya bilan o'rtoqlik o'yini o'tkazadi.