"Barselona" yarim himoyachisi Pedri Ispaniya terma jamoasi uchun o'yinda jarohat olgan jamoadoshi Gavini qo'llab-quvvatladi.

Ispaniya terma jamoasi bosh murabbiyi Luis de la Fuente Gruziya terma jamoasi bilan o'yinning birinchi bo'limida olgan jarohati tufayli 19 yoshli futbolchini almashtirishga majbur bo'ldi. Norasmiy ma'lumotlarga ko'ra, Gavi xochsimon bog'lamlari shikastlangani uchun mavsumning qolgan qismini o'tkazib yuborishi mumkin. Futbolchining Evro-2024'dagi ishtiroki ham jiddiy shubha ostida.

“Biz sen bilanmiz, uka. Senga kuch tilayman. Bilaman, sen har qachongidan ham kuchliroq qaytasan”, - dedi Pedri ijtimoiy tarmoqlar orqali Gaviga.