“Barselona”ning o'ng qanot himoyachisi Joau Kanselu “Manchester Siti”ga qaytish niyatida emas.

Portugaliyalik futbolchi joriy mavsum oxirigacha Kataloniya klubiga ijaraga berilgan. "Barselona" 29 yoshli futbolchini sotib olishga qiziqish bildirmoqda, o'yinchining o'zi ham qolishni istamoqda, ammo "Manchester Siti" bilan dastlabki kelishuvga hali erishilgani yo'q. Insayder Fabritsio Romanoning so'zlariga ko'ra, “blaugrana” rahbariyati Kanseluning o'yinlaridan mamnun, biroq yaqin orada transfer bo'yicha muzokaralarni boshlamaydi. Muhokamalar keyinroq boshlanadi.

Joau Kanselu Xavi Ernandes jamoasida 14 ta o'yinda maydonga tushib, 2 ta gol va bitta golli uzatmani amalga oshirdi. Transfermarkt portali futbolchini 50 million evroga baholamoqda.