Globe Soccer Awards talqini bo'yicha yilning eng yaxshi darvozaboni nomiga da'vogarlar ma'lum bo'ldi. Mukofotning ijtimoiy tarmoqlarida turli nominatsiyalar bo'yicha g'oliblikka nomzodlar ro'yxati e'lon qilindi.

Bu toifadagi g'oliblikka nomzodlar: Yasin Bunu (“Al-Hilol”), Diogu Koshta (“Portu”), Tibo Kurtua (“Real”), Janluiji Donnarumma (“PSJ”), Ederson Moraes (“Manchester Siti”), Mik Menyan (“Milan”), Andre Onana («Manchester Yunayted»), Aaron Ramsdeyl («Arsenal»), Yann Zommer («Inter») va Mark-Andre ter Shtegen («Barselona»).

Eslatib o'tamiz, ushbu marosim Evropa klublar va futbol agentlari assotsiatsiyasi tomonidan tashkillashtiriladi. Odatda, ushbu taqdirlash marosimi har yil oxirida, dekabr oyining oxirgi kunlarida Dubayda bo'lib o'tadi. O'tgan yili Globe Soccer Awards eng yaxshi darvozabonga mukofot bermagan edi.