Kataloniyaning "Barselona" klubi markaziy himoyachisi Andreas Kristensen "ko'k-anorranglilar" o'z uyida "Atletiko Madrid"ni qabul qiladigan La Ligadagi turning markaziy o'yinida jamoasining asosiy tarkibida maydonga tushishi mumkin.

Mundo Deportivo nashri xabariga ko'ra, 27 yoshli daniyalik Jyul Kundening o'rnini asosiy tarkibda egallashi mumkin. Bosh murabbiy Xavi Ernandes shunday muhim uchrashuvda Kristensenga ishonishga moyil.

Eslatib o'tamiz, "Atletiko" ustidan qozonilgan g'alaba "Barselona"ning Ispaniya chempionatida uchinchi o'ringa qaytishiga yordam berishi mumkin. Bu mavsumda Kristensen La Liganing 14-turidan 11tasida maydonga tushdi.