"Barselona" hujumchisi Robert Levandovski Kataloniya klubining yosh futbolchilari haqida gapirdi.

"Ular nihoyatda iqtidorli va, albatta, hozir o'zlarini klub va jamoaning bir qismidek his qilishmoqda. Bu ularning yoshiga bog'liq, ba'zida ularni ushlab turish va ba'zida rivojlantirish o'rtasida muvozanatni topish kerak, chunki bu ularga oson emas, chunki biz "Barselona"da o'ynash haqida gapiryapmiz.

Klub, muxlislar, atrofdagilarning bosimi? Biz ularni himoya qilishimiz kerak, lekin ular ham o'z o'rnini bilishlari kerak. O'ylaymanki, murabbiy uchun ularga qanday munosabatda bo'lish, ularga ko'p qulayliklar bermaslik va kamroq o'yin amaliyoti bermasligi juda muhim", - dedi Levandovski Marca bilan suhbatda.

Hozirda "Barselona" tarkibida 21 yoshgacha bo'lgan 4 nafar futbolchi bor: Pedri (21), Gavi (19), Yamal (16) va Balde (20).

15 turdan keyin “Barselona” 34 ochko bilan La Ligada uchinchi o'rinda bormoqda. “Real” chempionatda peshqadamlik qilmoqda (38 ochko).