Kataloniyaning "Barselona" klubi belidan operatsiya qilingan darvozabon Mark-Andre ter Shtegen haqida bayonot berdi.

"Mark-Andre ter Shtegen muvaffaqiyatli operatsiya qilindi. U safdan chiqqan edi. O'yinchining mavjudligi tiklanish tezligiga bog'liq bo'ladi", - deyiladi "ko'k-anorranglilar"ning rasmiy saytida.

Eslatib o'tamiz, Ter Shtegen Germaniya terma jamoasi safida jarohat olgandi. Futbolchining tiklanish muddati ikki-uch oyni tashkil qiladi.

Joriy mavsumda germaniyalik posbon kataloniyaliklar safida 17 ta o'yin o'tkazdi. Sakkizta uchrashuvda Ter Shtegen o'z darvozasi daxlsizligini saqlab qoldi.