FIFA 2023 yilning eng yaxshi murabbiyi sovrini uchun so'nggi uch nomzodni e'lon qildi.

Pep Gvardiola (“Manchester Siti”), Simone Indzagi (“Inter”) va Luchano Spaletti (“Napoli”/Italiya terma jamoasi) "The Best" sovrini uchun nomzodlar ro'yxatidan joy oldi.

Anj Postekoglou (“Seltik”/"Tottenxem") va Xavi (“Barselona”) kengaytirilgan ro'yxatdan o'chirildi.

2022/23 yilgi mavsumda Gvardiola “Manchester Siti” bilan Chempionlar ligasi, Premer-liga va Angliya kubogida g'olib chiqdi.

Indzagi Italiya kubogida g'olib chiqdi va “Inter”ni Chempionlar ligasi finaliga olib chiqdi.

Spaletti "Napoli" bilan A Seriya g'olibi bo'ldi, Italiya chempionatida mavsumning eng yaxshi murabbiyi deb topildi va jamoani Chempionlar ligasining chorak finaliga olib chiqdi.

G'olib nomi 15 yanvar kuni bo'lib o'tadigan taqdirlash marosimida e'lon qilinadi.