"Barselona" bosh murabbiyi Xavi Ernandes jamoaning yomon natijalari tufayli bosim haqidagi savolga javob qaytardi.

"Men hech qachon yolg'izlikni his qilmayman. Menda qo'llab-quvvatlash va kuch borligini his qilyapman va biz ajoyib mavsum o'tkazishimiz mumkinligini his qilyapman", - dedi Xavi kataloniyaliklar klubi matbuot xizmatiga.

16 turdan keyin "Barselona" 34 ochko bilan Ispaniya chempionati turnir jadvalida to'rtinchi o'rinda bormoqda.

Aytish joizki, so'nggi ikki o'yinda “ko'k-anorranglilar” ikkita mag'lubiyat alamini totib ko'rishdi, La Ligada “Jirona”ga (2:4) va Chempionlar Ligasida “Antverpen”ga (2:3) imkoniyatni boy berishdi.