"Barselona" yarim himoyachisi Oriol Romeu jamoaning so'nggi paytlarda sodir bo'lgan muvaffaqiyatsizliklari haqida o'z fikrlari bilan o'rtoqlashdi.

Barcha turnirlarning so'nggi o'nta uchrashuvida kataloniyaliklar atigi to'rtta g'alabaga erishgan. Hozirda Xavi Ernandes jamoasi La Liga turnir jadvalida "Jirona"dan 9 ochko ortda qolgan holda uchinchi o'rinni egallab turibdi.

"So'nggi bir necha hafta biz uchun oson bo'lmadi, lekin bu o'tmish. Biz qo'limizdan kelganini qilishga harakat qilamiz.

Bu tajriba bizni yaxshilashga yordam beradi. Umid qilamanki, eng yaxshisiga loyiq muxlislarni xursand qilish uchun imkon qadar tezroq natijalarga erishamiz", - deya 32 yoshli futbolchining so'zlarini keltiradi Barca Universal.